English Grammar Magic : Articles (A, An, The) പഠിക്കാൻ ഒരു എളുപ്പവഴി | LearnZEO

"സുഹൃത്തുക്കളെ, ഇന്ന് എനിക്ക് തീരെ വയ്യ, ശബ്ദമില്ല. എങ്കിലും നമ്മുടെ 14 ദിവസത്തെ ചലഞ്ച് മുടക്കാൻ എനിക്ക് മനസ്സ് വന്നില്ല. അതുകൊണ്ട് ഇന്നത്തെ ഇംഗ്ലീഷ് ക്ലാസ് ഞാൻ ഇവിടെ കഥ പോലെ എഴുതി പഠിപ്പിക്കാം. ഇത് വായിച്ചു കഴിയുമ്പോൾ നിങ്ങൾ Articles (A, An, The) ഒരിക്കലും മറക്കില്ല. അവസാനം ഒരു പരീക്ഷയുമുണ്ട് കേട്ടോ!"

🍎 Articles (A, An, The)

ഇംഗ്ലീഷിൽ ആകെ മൂന്ന് കുഞ്ഞൻ വാക്കുകളേ ഉള്ളൂ Articles ആയിട്ട്. A, An, The. ഇതിൽ A യും An ഉം ഏകദേശം ഒരേ സ്വഭാവക്കാരാണ്. The എന്ന ആൾ ഒരു രാജാവിനെപ്പോലെയാണ്.

ഇവരെ എവിടെ ഉപയോഗിക്കണം എന്ന് അറിയാൻ ഒരു ചെറിയ "ശബ്ദ മാജിക്" (Sound Trick) മാത്രം അറിഞ്ഞാൽ മതി. നമുക്ക് ഓരോരുത്തരെയായി പരിചയപ്പെടാം.

🐘 ഒന്നാം കഥ: 'An' എന്ന സ്വരസ്നേഹി

ഇവനാണ് നമ്മുടെ കഥയിലെ താരം. ഇവന് ഒരു പ്രത്യേകതയുണ്ട്. ഇവന് "സ്വരാക്ഷരങ്ങളുടെ ശബ്ദം" (Vowel Sound) മാത്രമേ ഇഷ്ടമുള്ളൂ.

നിയമം 1: വാക്ക് വായിക്കുമ്പോൾ ആദ്യം കേൾക്കുന്നത് മലയാളത്തിലെ
'അ, ആ, ഇ, ഈ, ഉ, ഊ, എ, ഏ, ഒ...'
ശബ്ദമാണെങ്കിൽ An ചേർക്കുക.

ഉദാഹരണങ്ങൾ നോക്കൂ:

✅ An Apple (ആപ്പിൾ - 'ആ' ശബ്ദം)

✅ An Egg (എഗ്ഗ് - 'എ' ശബ്ദം)

✅ An Ice-cream (ഐസ്ക്രീം - 'ആ' ശബ്ദം)

✅ An Umbrella (അംബ്രല്ല - 'അ' ശബ്ദം)

🔥 സൂപ്പർ ട്വിസ്റ്റ് (ഇതാണ് പരീക്ഷയ്ക്ക് ചോദിക്കുക!) ചില വാക്കുകൾ കാണുമ്പോൾ ഇംഗ്ലീഷിലെ Consonant (വ്യഞ്ജനാക്ഷരം) ആയിരിക്കും. പക്ഷെ ഉച്ചരിക്കുമ്പോൾ സ്വരാക്ഷര ശബ്ദം വരും.

1. Hour (മണിക്കൂർ)
ഇത് 'H' ൽ തുടങ്ങുന്നുണ്ടെങ്കിലും നമ്മൾ 'ഹവർ' എന്നല്ല 'അവർ' (Our) എന്നാണ് വായിക്കുക. 'അ' ശബ്ദമായതുകൊണ്ട്:
👉 An Hour

2. Honest (സത്യസന്ധൻ)
ഇത് 'ഹോണസ്റ്റ്' അല്ല, 'ഓണസ്റ്റ്' ആണ്. 'ഓ' ശബ്ദമായതുകൊണ്ട്:
👉 An honest man

3. MP / MLA / FIR
എം.പി എന്ന് പറയുമ്പോൾ 'എം' (Em) എന്നാണ് ഉച്ചാരണം. ആദ്യം 'എ' ശബ്ദം വരുന്നു.
👉 An MP, An MLA

🚗 രണ്ടാം കഥ: 'A' എന്ന സാധാരണക്കാരൻ

സ്വരാക്ഷര ശബ്ദം അല്ലാത്ത ബാക്കി എല്ലാ ശബ്ദങ്ങൾക്കും (Consonant Sounds) മുന്നിൽ A വരും. (ക, ച, ട, പ, മ, യ, വ... തുടങ്ങിയ ശബ്ദങ്ങൾ).

✅ A Car (കാർ - 'ക' ശബ്ദം)

✅ A Book (ബുക്ക് - 'ബ' ശബ്ദം)

✅ A University Student

⚠️ വലിയൊരു കെണി! (Trap)

University എന്ന വാക്ക് 'U' (യു) എന്ന അക്ഷരത്തിലാണ് തുടങ്ങുന്നത്. 'U' ഒരു ഇംഗ്ലീഷ് വൗവൽ ആണ്.

പക്ഷേ, നമ്മൾ ഇത് വായിക്കുന്നത് 'യൂണിവേഴ്സിറ്റി' എന്നാണ്. 'യ' (Ya) എന്ന ശബ്ദമാണ് വരുന്നത്.

'യ' ഒരു സ്വരാക്ഷരമല്ല. അതുകൊണ്ട് An University എന്ന് എഴുതരുത്!

👉 ശരിയുത്തരം: A University
👉 അതുപോലെ: A European ('യ' ശബ്ദം)
👉 അതുപോലെ: A One-rupee note ('വ' - Wa ശബ്ദം)

👑 മൂന്നാം കഥ: 'The' എന്ന രാജാവ്

'The' ഉപയോഗിക്കാൻ ഒരുപാട് നിയമങ്ങളുണ്ട്. പക്ഷെ പ്രധാനപ്പെട്ട 4 കാര്യങ്ങൾ മാത്രം ഇന്ന് പഠിക്കാം.

ഒരേയൊരു കാര്യം / പ്രത്യേക കാര്യം = The

1. ലോകത്ത് ഒന്നേയുള്ളൂ എങ്കിൽ:
   The Sun, The Moon, The Sky.


2. നദികൾ, പർവ്വതങ്ങൾ, കടലുകൾ:
   The Ganga, The Himalayas, The Arabian Sea.


3. വിശുദ്ധ ഗ്രന്ഥങ്ങൾ:
   The Bible, The Quran, The Ramayana.


4. ആവർത്തിച്ച് പറയുമ്പോൾ:
   ആദ്യം പറയുമ്പോൾ A/An ഉപയോഗിക്കും. പിന്നീട് അതിനെക്കുറിച്ച് തന്നെ പറയുമ്പോൾ The ഉപയോഗിക്കും.
   Example: I saw a boy. The boy was crying.

🧠 പഠിച്ചത് ഓർമ്മയുണ്ടോ?
നമുക്ക് ടെസ്റ്റ് ചെയ്യാം!

ശരിയായ ഉത്തരത്തിൽ ക്ലിക്ക് ചെയ്യുക.

1. He is eating _____ orange.

2. She waited for _____ hour.

3. My brother is studying in _____ university.

4. _____ Sun rises in the east.

5. Raju is _____ MP.

LearnZEO Day 9 Special Notes
Practice Daily, Win Surely! ❤️